منتدى العاملين بالبريد المصري
موقع العاملين بالبريد المصري يرحب بكم ويتمنى لكم قضاء أسعد الاوقات فى رحابه ويدعوكم للتسجيل والمشاركة الفعالة في بناء وتطوير البريد المصري مع نخبة من أفضل الشخصيات البريدية بالمنتدى


منتــــدى العامليـــن بالبريـــد المصـــري
 
الرئيسيةالبوابةمكتبة الصورس .و .جبحـثالتسجيلدخول
** إدارة منتدى العاملين بالبريد المصري تتقدم بأطيب التهاني والتبريكات لجميع العاملين ** بمناسبة قرب حلول عيد الميلاد المجيد وعيد البريد أعاده الله عليكم بالخير واليمن والبركات ** وتتمنى لكم قضاء أسعد الاوقات وأجمل الامنيات ** وكل عام وأنتم بخير

شاطر | 
 

 مصطلحات مالية هامة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شكري النبوي
Admin
Admin
avatar

عدد المساهمات : 1490
تاريخ التسجيل : 05/03/2012
العمر : 53
الموقع : بنها

مُساهمةموضوع: مصطلحات مالية هامة    الجمعة 09 مارس 2012, 2:17 pm

الفرق بين الميزانية والمركز المالي ؟
طبعا سؤال سهل .. مش كده
المركز المالي : هو قائمة توضح أصول وخصوم المنشأة ... يعني حقوق والتزامات
المنشأة ... يعني ايه اللي للمنشأة وايه اللي عليها ... في أي يوم في
السنة .
يعني في أي يوم نجي نروح عاملين موقف للمنشأة عارفين ايه اللي ليها وايه
اللي عليها ونحطه في صورة قائمة تبقى دي اسمها المركز المالي.
طب ايه هي الميزانية العمومية ؟
هي : مركز مالي .....
ايه مركز مالي ... يعني أصول وخصوم المنشأة ... حقوق والتزمات المنشأة
طب ايه الفرق ؟ الفرق ان الميزانية العمومية هي مركز مالي للمنشأة في نهاية
السنة المالية. يعني في نهاية السنة المالية في آخر يوم في 31/12/2006
مثلا بنعرف حقوق والتزامات المنشأة فتبقى اسمها الميزانية العمومية

-----------------------------
2-ايه الفرق بين الميزانية والموازنة ؟؟؟

الميزانية العمومية : هي زي ما قلنا عبارة عن قائمة توضح أصول وخصوم
المنشأة ... حقوق والتزمات المنشأة في نهاية السنة المالية وبتكون معها
الحسابات الختامية ( حـ / المتاجرة وحـ/ الأرباح والخسائر ) اللي بيوضحوا
نتيجة نشاط المنشأة من ربح أو خسارة عن الفترة المالية السابقة .

يعني ايه ؟؟! يعني ان الحسابات الختامية هي اللي بتوضح مصروفات السنة اللي
فاتت الفعلية وايرادات السنة اللي فاتت الفعلية لكن الميزانية العمومية
توضح حقوق والتزامات المنشأة في نهاية السنة .

طب ايه هي الموازنة ؟؟؟

الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة.

----------------------------------------
3- ايه الفرق بين المصروفات الايرادية والمصروفات الرأسمالية ؟؟؟
أولا نحب نعرف ايه هو المصروف :

هو عبارة عن نفقة ( يعني --> فلوس بادفعها ) في سبيل الحصول على ايراد.
يعني بادفع مثلا ايجار للمحل ... ليه ؟؟ علشان أبيع منه واحصل على الايراد.
بادفع مثلا أجور ومرتبات للعاملين ... ليه ؟؟ علشان ينتجوا واحصل على الايراد.

يبقى المصروف بادفعه في سبيل الحصول على الايراد.

المصروف الايرادية : هو مصروف يحقق الايراد في نفس السنة المالية .

المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .

يعني مثلا : مصروف الأجور والمرتبات بتدفع كل شهر عن عمل الموظفين عن الشهر
يعني كل شهر بيأخدو مرتباتهم فيها بيدخلوا للمنشأة ايراد في نفس الشهر
..... يبقى مصروف الأجور والمرتبات مصروف ايرادي .

ومثلا : م الدعاية والإعلان ... الشركة مثلا عملت حملة اعلانية ضخمة
استفادت بها المنشأة على كذا سنة .. يعني ساعدت على تحقيق الايرادات خلال
عدة سنوات ... يبقى المصروف ده مصروف رأسمالي .

مثال تاني :-
مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .

طب لوجينا عملنا صيانة للألات مش علشان ترجع تشتغل تاني بس ولكن تزيد
طاقتها الانتاجية ... يعني بدل ما تنتج مثلا عشر وحدات خليناها تنتج 15
وحدة يعن زودنا كفائتها الانتاجية والزيادة دي مش هتكون في أول سنة بس ؟؟
لا طبعا ... في السنين المتتالية اللي بعديها . يبقى المصروف ده في هذه
الحالة مصروف رأسمالي.
---------------------------------------
الرجوع الى أعلى الصفحة اذهب الى الأسفل
http://post.egyptianforum.net
 
مصطلحات مالية هامة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العاملين بالبريد المصري  :: موضوعات بريدية عامة :: منتدى الشئون المالية والادارية-
انتقل الى: